Velkommen til oss Petter👋

Petter Amundsen er frontend-utviklar i Kraftlauget

Petter er nummer tre inn denne månaden i Kraftlauget. Han har ein master i informasjonsvitenskap frå UIB, der masteren hans omhandla “løfting av data til semantisk teknologi”🤓. Han har i åra etter arbeida hovedsakleg som frontendutviklar i medie, energi og maritim bransje.

Petter har og vore involvert i å lage brukargrensesnittet til Altibox, eit grensesnitt mange av oss har brukt dagleg. Vue, React, Typescript og Javascript er teknologiar Petter beherskar veldig godt, men han har og fått arbeida fullstack på prosjekt hos ulike kundar.

Petter har eit breidt kompetanseregister og har til ei kvar tid mange hobbyprosjekt gåande der han prøver ut ny teknologi. Akkurat no lagar han og ein kamerat eit kortspel🃏 i Unity. Tidlegare har han mellom anna laga ein sjakkrankingapp og ein Battlesnake AI🐍.

Han bur på Stanghelle med sambuaren og er ein ivrig togpendlar🚂. Jovial og ein lagspelar er ting som kjennetegnar Petter. Han har og ein respektabel 63.plass frå NM i fekting🤺, men eg skal ikkje ødelegge bragda med å fortelje kor mange som deltok:) På fritida brukar Petter mykje tid på å pusse opp huset frå 50-talet på Stanghelle, utanom dei mange fisketurane🎣 han tek seg tid til i fjella rundt.